BO
NADAL
mércores, 10 de decembro de 2014
DÍA DOS DEREITOS HUMANOS
O 10 de
decembro de 1948, a Asemblea Xeral das Nacións Unidas aprobou e proclamou a Declaración Universal de Dereitos Humanos.
luns, 1 de decembro de 2014
A LINGUA COMO HERDANZA
Dos versos
de Manuel María xorde Herdo Novo, unha campaña de microfinanciamento impulsada
por Radiofusión e Irmandade TV co obxectivo de consolidar
economicamente estas dúas alternativas de radio e televisión en galego.
O
funcionamento da campaña é moi sinxelo e emprega unha ferramenta de
micromecenado Teaming. Todas as persoas que se inscriban
comprométense a achegar 1 euros todos os meses, de forma ininterrunpida. O obxectiva é chegar ás dúas mil doazóns dun
euro (2.000 euros mensuais) antes do 31 de decembro.
Para
colaborar coa campaña pódese facer na seguinte ligazón https://www.teaming.net/herdonovo
mércores, 26 de novembro de 2014
PREMIO NACIONAL DE TEATRO
Chévere foi galardoado co 'Premio Nacional
de Teatro' 2014 concedido polo Ministerio de Educación español. O xurado salientou
a "coherente traxectoria de creación colectiva baseada en fontes de
teatro documento e na transgresión de xéneros".
Así mesmo,
destacan a conexión das súas obras coa "realidade social e económica"
galega e mesmo internacional, como reflicten Citizen, Eurozone ou
Ultranoite no País dos Ananos. Neste senso, o xurado subliña "o
achegamento" que desenvolveu Chévere "do teatro a distintos
colectivos sociais e ao ámbito pedagóxico" pulando pola
"participación cidadá".
martes, 25 de novembro de 2014
DÍA INTERNACIONAL CONTRA
A VIOLENCIA DE XÉNERO
"A Escola non é
un espazo neutral. Nela transmítense valores, modelos e esteriotipos, e
convértese nun lugar ideal onde sementar a erradicación das desigualdades.
De aí xorde a necesidade deste material didáctico, que pretende ser unha ferramenta para coeducar”.
venres, 21 de novembro de 2014
xoves, 20 de novembro de 2014
DÍA UNIVERSAL
DO NENO
Cada 20 de novembro desde hai 25 anos, celébrase o Día Universal do Neno, unha xornada que recorda os avances logrados no
que respecta aos dereitos dos máis pequenos e que, ao mesmo tempo, chama a
atención sobre a situación actual dos máis desfavorecidos.
A Convención sobre os Dereitos do Neno foi aprobada pola Asemblea Xeral de Nacións
Unidas o 20 de novembro de 1989 e entrou en vigor un ano máis tarde, o 2 de
setembro de 1990. O tratado, que recolle de forma oficial os dereitos da
infancia, está composto por 54 artigos que, ademais, repasan as obrigacións de
pais, profesores, profesionais da saúde e incluso dos propios nenos e nenas. O
texto foi ratificado por 194 países que deben render contas ante un comité sobre os dereitos dos nenos.
luns, 17 de novembro de 2014
OVACIÓN PARA A ESMORGA NA SÚA ESTREA
A estrea oficial de A Esmorga, a película dirixida
por Ignacio Vilar segundo a
novela de Eduardo Blanco Amor, tivo lugar onte na gala inaugural do Festival
Internacional de Ourense, na cidade na que está ambientada a narración, onde
unha sala chea de público despediu cunha grande ovación o filme.
A adaptación
cinematográfica da novela de Blanco Amor estrearase comercialmente o próximo 21
de novembro nas salas de toda Galiza.
domingo, 9 de novembro de 2014
CRÓNICA DE FÚTBOL
C.D.Cariño 0-7 S.D.O
Val
Partido complicado
para os de Ortegal, que conseguiron aguantar con empate ata a metade da
primeira parte, tempo no que o conxunto valexo rompe o empate e se adianta no
marcador.
Tras isto o Cariño
intentou sobrepoñerse ao golpe, algo que non conseguirían, debido a que os
visitantes meteron tres goles máis antes de rematar esta parte.
Á volta dos
vestiarios o partido seguiu igual, e os visitantes conseguiron ao longo da segunda
parte os tres goles restantes.
Esta foi a última
xornada da fase previa, na que o Cariño remata na sexta posición con 12 puntos
e o que lle dá acceso ao grupo 2.
mércores, 5 de novembro de 2014
PREMIO NACIONAL DE TRADUCIÓN
A tradución ao
galego do clásiso de James Joyce, Ulises,
recibiu o Premio Nacional de Traducción que concede o Ministerio de Cultura. O
traballo foi obra de María Alonso Seisdedos, Eva Almazán, Xavier Queipo e Antón
Vialle.
martes, 4 de novembro de 2014
V DÍA DA CIENCIA EN
GALEGO
A xornada, que se
celebra hoxe, homenaxea nesta ocasión a Isaac Newton e mais o matemático galego Xosé Rodríguez, e está dedicada ao dereito a gozar da física en galego.
Con motivo desta celebración o mércores 5 de novembro, a Coordinadora Galega de ENDL convida a todos os centros
educativos non universitarios a participar en dúas videoconferencias vía web,
na que destacados investigadores galegos da Universidade de Santiago de
Compostela achegarán temáticas de interese curricular para o noso alumnado e os
proxectos científicos que desenvolven na actualidade. Ademais de seguir a
videoconferencia, os centros escolares que desexen participar terán a
posibilidade de interaccionar con eles vía chat.
luns, 3 de novembro de 2014
CRÓNICA
DE FÚTBOL
Narón Balompé
Piñeiro "B" 1-6 CD Cariño
O partido tivo
un comezo moi intenso, co gol no minuto 5 de Raúl por parte do Cariño, alegría
que duraría pouco, xa que no seguinte minuto o Narón empataría o partido.
Tras isto houbo unha primeira parte pouco
interesante, na que se rompería o empate ao bordo do descanso grazas a un gol
en propia porta tras unha xogada individual de Cristian Fustes.
Tras o intermedio sería o conxunto visitante o que
atacaría ao facer cambios no estilo de xogo, cambiando a táctica e cambiando
xogadores.
Despois de diversas xogadas con perigo, sería o
Cariño o que golpearía por partida dobre nos minutos 47 e 48, sentenciando o partido.
Máis adiante o conxunto visitante obtería dous goles
máis grazas a Borja e Martín, establecendo o 1-6.
Tras isto o Cariño rematará esta fase na sexta
posición, tendo ata agora 12 puntos, e o Narón colócase na última plaza.
A próxima semana o Cariño recibe ao conxunto valexo,
situado na cuarta posición.
luns, 27 de outubro de 2014
IN MEMORIAM
A xornalista viguesa da Radio Galega, Begoña Caamaño, faleceu hoxe en Santiago. Xunto ao seu labor profesional tamén
destacou como novelista e como loitadora polos dereitos da muller, dos
traballadores e dos máis desfavorecidos.
Como novelista publicou Circe o
pracer do azul e Morgana en Esmelle; con esta última obra obtivo o recoñecemento da Asociación
Española de Críticos Literarios en 2012.
mércores, 22 de outubro de 2014
martes, 21 de outubro de 2014
CÓMIC
Botafumeiro é unha revista
dixital de humor en galego con periodicidade mensual. Recolle textos e banda
deseñada. Nela participan moitos dos autores que coñecemos: Manel Cráneo,
Alberto Guitián, Roque Romero, Bernal Prieto, Xiomara Correa, Diana López, Kaz,
Tayone, Martín Romero, Brais Rodríguez… e Jano con páxinas
de Nacho Camacho, viñetas de A Ollada do Chosco e
novos personaxes e series.
luns, 20 de outubro de 2014
CRÓNICA DE
FÚTBOL
Mugardos 4-1 CD Cariño
O comezo do partido foi de dominio
local, conseguiron adiantarse no minuto cinco, pero os visitantes non
baixaron a cabeza e seguiron loitando, aínda que sería no minuto 19 cando o
conxunto local volvería a marcar.
Tras uns minutos nos que non se viu
moito xogo e houbo algunhas xogadas con polémica chegaría o 3-0 tras unha
xogada pola banda que marcaría o propio xogador ao decatarse da mala colocación
do porteiro.
O Cariño reaccionaría tras isto e
Cristian puxo o 3-1 no marcador, aínda que a alegría durou pouco, xa que o
Mugardos marcou dous minutos despois o definitivo 4-1.
A segunda parte tivo outra cor, con máis
ataques visitantes que locais e un penalti non pitado a favor dos locais, algo
que conduciría ao descontento co árbitro, quen tivo máis erros que acertos ao
longo do partido.
Con este resultado o Cariño ocupa a
sexta posición con 9 puntos e o Mugardos a quinta con 12.
A próxima semana o Cariño recibe ao
Portuarios que ocupa a terceira praza.
xoves, 9 de outubro de 2014
PATRICK MODIANO PREMIO NOBEL DE LITERATURA
O novelista francés
Patrick Modiano (Boulogne-Billancourt, 1945), autor de obras perfectas como Dora
Bruder ou El café de la juventud
perdida, recibiu o premio Nobel de Literatura. As súas grandes novelas representan
un relato único e valente dos peores momentos de Francia no século XX: o réxime
neonazi de Vichy e a ocupación do país polos alemáns durante a II Guerra
Mundial.
A Academia sueca dixo
que concedeu o premio a Modiano “pola súa arte da memoria coa que evocou os
destinos humanos máis difíciles de retratar e desvelou o mundo da Ocupación”.
mércores, 8 de outubro de 2014
PREMIO NOBEL DE QUÍMICA
PARA OS CREADORES DO NANOSCOPIO
Os estadounidenses
Eric Betzig e William Moerner e o científico alemán Stefan Hell gañaron o Nobel
de Química polo desenvolvemento de novos métodos para que os microscopios
poidan ver detalles máis pequenos dos que podían percibir no pasado.
Os tres científicos
foron premiados por "o desenvolvemento da microscopía de fluorescencia de
súper resolución", que segundo explicou a Real Academia Sueca de Ciencias,
superou a capacidade máxima de resolución dos microscopios ópticos
tradicionais.
martes, 10 de xuño de 2014
domingo, 8 de xuño de 2014
OS PREMIOS XERAIS 2014
Dende o conflito é o título da novela
de María Reimóndez que o xurado escolleu para o Premio Xerais de Novela 2014. Con Escarlatina. A cociñeira defunta, Ledicia Costas fíxose co Merlín de literatura
infantil e O
Gran Reino valeulle a Eduardo
Santiago o Jules Verne de literatura xuvenil. Os tres recibiron os premios no
acto que se desenvolveu, como cada ano, na Illa de San Simón.
sábado, 7 de xuño de 2014
OS PREMIOS FREI MARTÍN SARMIENTO
A verdadeira historia da mosca da
tele, de María Solar, e O neno can de
Fina Casalderrey e Francisco Castro, foron dous dos libros triunfadores na gala
celebrada este venres no Auditorio da Biblioteca da Cidade da Cultura, dos
Premios Frei Martín Sarmiento 2014 que recoñecen, a xuízo dos alumnos e alumnas
de Galicia, os mellores libros infantís e xuvenís publicados no último ano.
xoves, 5 de xuño de 2014
mércores, 4 de xuño de 2014
JOHN BANVILLE, PREMIO PRÍNCIPE DE ASTURIAS
DAS LETRAS 2014
O escritor irlandés John Banville foi
galardoado hoxe en Oviedo co Premio Príncipe de Asturias das Letras
2014 ao que optaban vinte e catro candidaturas procedentes de catorce países. O xurado destacou a
súa "intelixente, fonda e orixinal creación novelesca, e ao seu outro eu,
Benjamin Black, autor de turbadoras e críticas novelas policiacas". Conclúe
dicindo: "cada unha das súas creacións atrae e deleita pola mestría no
desenvolvemento da trama e no dominio dos rexistros e matices expresivos, e
pola súa reflexión sobre os segredos do corazón humano"
luns, 2 de xuño de 2014
mércores, 28 de maio de 2014
PREMIO PRÍNCIPE DE ASTURIAS DE
INVESTIGACIÓN
O químico valenciano Avelino Corma e os estadounidenses Mark E. Davis e Galen D. Stucky foron galardoados hoxe co Premio Príncipe de Asturias de
Investigación Científica e Técnica 2014 pola súa
contribución ao campo dos materiais microposoros e mesoporosos.
Subscribirse a:
Publicacións (Atom)